Mehroomiyaa

Waqt ke taraaju mein khud ko rakh ke sochti hoon ki kiss padav per la ke zindagi ne kiya hay ehsaan. Kehte hay ki her shaks ka ek likha huwa muqaddar hota hay , per aise kisi muqaddar ki aakansha rakhna aaj mere liye koi mayne hay ki nahi samajhna mushkil hay. Jiske liye zindagi ki dor chod ke jiski zindagi ke saath baandh li hay , aaj woh hi apne vyavsaaye mein itne vyast hay ki zindagi mein sirf mehroomiya hi reh gayi hay... aur yeh bhi achi hi cheez hay , jitni bhi udaas ker de per rehti to mere hi saath hay. Jab ghar ke saare kaam poore ker ke , bacho ki zimmedariya poori kerke , jo ki sirf aisa lagta hay ki mere hi hisse aa padi hay , pati ki zaroorat poori kerke dopehar ka khaana banate huwe sochti hoon .... ki zindagi mein kuch to hay , kuch to nahi bhi hay.  Kuch jo hay woh kabhi kabhi meri mehroomiyo k saath mil ke ghoom jashn banati hay , maan lo kabhi mere per hass rahi hay aur kabhi mere saath. kismet se itne achi dosti nahi ho paayi hay abhi tak , woh ek ameeri ki tarah mere aas pass sabke dikhti hay per mere saath haath milane se bhi darti hay. Shayad darr hay usse bhi ki kahin mere se dosti kerke usko meri mehroomiyo se bhi dosti na kerni pad jaaye.
Mein khush hoon apne bhare paani ke jaam , gareeb mehroomi , duniya ki satayi khamoshi aur sab logo ki nazaro se zaahir umeedo per khari na utar paane ki nigaho se. Kahin kuch ander hi aake bas gaya hay jo na jaata hay , na jaane deta hay. bacho ka pyaar to bahut mila per kishto mein , her kisht le jaati hay mere se mere is jeevan ki sabse keemti cheez - samay. Samay sabke liye sabse keemti hay , aur kabhi lagta tha ki mera bhi hay , per shayad samay ka bhi maap dand sabke liye ek sa nahi hay. Mere pati ka samay keemti, bacho ka nayaab aur mera kuch waisa hi jaise pichle hafte ka samachar patra , jo khoob saara ekatrit kerke bartan k liye badla to jaa sakta hay per khud bartan nahi ban paata.
puraane akbaar se yaad aaya ki kitna bhi purana kyun na ho , kabhi kabhi keemti si koi khabar 

Pick Your battles ...

The world still goes by Darwin's theory of survival of the fittest. The things have changed , the competition must have changed but the very basic nature's selection of the best remains the same. You might not know it , it there is , it always will be. Either you are slowly increasing in numbers or you are being put to rest. Some may call it God , some name it fate , for me it is just a passing moment. Who has and who will ever come back to the life and time , well no one will. It is similar to "People will forget the words thou said , but shall thy not forget how ya made them feel". The world multiplied in a hurry , and as after rally comes a pause . After every milestone comes a halt , we have to stop , take a break , refuel and run again. Instead of integrating your life over to the rest of world, let us differentiate ours from the others.
The very basic rule is "birds of the same feather flock together" , and those who stay together , live together , live longer. Choose your friends , and be true. I have been best in making new friends , and at worst keeping them. I have not kept a good friend for over a period of year. The closest that comes is my family , who have been deprieved of me more than i can imagine.
I have had not so good times in maintaining what was mine, or what could have been mine. I would be very wrong in saying , if i dare , i did not get what i was destined for, but here i am. I have a trophy , i have a few current friends , and i have a binder.  The soul that never tires but always keeps on looking for its motive of existence.
I am sure money is not one of those, neither is the fame or the friends , then what it is that we come here for. Are we any different from people we put in prison confided in four walls , or institutionalized . Well , I have for now made peace that nothing can come to you unless you desire for it.
If a thing comes to you, you have really not desired , time for you to have a closer look , and battle it out. You choose your own battles , and the motives. One day you shall , and you will be selected in Darwin's theory relatively. That is for time to tell , but i can tell you one thing for sure, no matter what happens , you Pick Your Battles , but always stand by with your friends. They are just the best chance you got and vice versa. help you help yourself .
~dg

It was here , it still is ...

All of a sudden it comes to you, right in front of your eyes. It always was there. It always will be. Try looking beyond horizons or towards the farthest greener grounds. Try the most majestic thoughts you got. Try making the pocket green , try making the world green. Try to change it , try it a now. Did you try ? Was it a success . Try it a bit more , push it an inch deeper . It works.  that one extra step , that one final effort , that one last time always work. It always was there. All of a sudden it might come to your realization, but it was never away.

Soch raha hoon

Soch raha hoon ki sochun ya nahi, ya soch ke bhi unsuna ker doon. kuch darakhte hai jin per teheniya nahi hai , per patte fir bhi aa hi jaate hai. kabhi un shakhaun ki ahemiyat khud khatre mein padne si lagti hai ... per kahan huwa hai guzara kisi ka paani ke bina . kuch pi lete hai kuch aur hi payy , per jo ehsaas anant vishaal samander ko dekhne se aata hai, woh kahan kab ek nadi bujha saki hai pyaas.
mein bakhuda nahi, bewafa nahi, beinteha aur samander ki tarah beshumar bhi nahi , per kahin to bekhudi ne khud beizzat kiya mujhe. Sapne zyada nahi hai pass mere , per kab muthi bhar khwahisho ko aasman mila hai . jail ki chaar deewao mein bhi udte honge sapne , per kahan rooh ko jism se azaadi milli hai. sadhu sant kehte hai  ki jeevan kaal ke baad aatma alag ho jaati hai is nashwar shaheer se, to kya chali jaati hai soch bhi uske saath. mujhe nhai lagta ki itni bewafa hoti hai aatma , ki zindagi bhar rahi jiske saath usse chod de. fitrat aatma ki nahi hai imaan si. soch raha hoon ki pooch loon apni aatma se ki kya mere sath hi rahegi hamesha. shaadi hoti hai do roohon ka milan , per kya mere saath hi rahegi. kabhi to kahin aisa lagey ki chalega mere saath, her kadam her safar her manzil per. bharosa mujhe hai khud per , aur us per jo rooh ka hai saathi, kya aisa ker de ki ek hi ker de rooh, per fir jism ki bewafayi dimaag ki upaj hai.
Soch raha hoon ki sochun ya nahi, ya soch ke bhi unsuna ker doon ki kya hai manzil is jeevan ki, ki raah alag hai raaste se. samajhata rehta hoon is dil ko , per kab dhaan ke khet mein aam nikale hai. kahin se fir bhi kuch to ajeeb sa hote rehna hi sabse badi samasya bhi hai aur hal bhi. kahin paani ki boondein man ko tript ker deti hai , to kabhi mitti ki khusboo aatma ko , fir bhi aaj darte hai baarish ein bheegne se aur mitti mein khelne se . kahin to kabhi to kuch aisa bhi ker de ki jisse na khushi mile and sukoon. kuch kaam aise bhi ho jo kerne hai sirf kerne ke liye, kyunki sochna bhi zaroori nahi, fir bhi soch h raha hoon mein .

Zindagi ...

zinda rehna zindagi nahi , zinda chalti roohein zindagi nahi ... saansein to chalti hi rehti hai , saanso ke tham jaane se zindagi kam nahi ... Zindagi woh ek lamha hai jisse jeene ke liye hum apni poori zindagi laga dete hai ,woh ek khoobsoorti hai jo sau saal ki umar ko bus us ek pal mein jad deti hai jab hum muskura dete hai. ek aisa ehsaas jo ho ke bhi nahi hota, aur jo na ho ke bhi kabhi saath nahi chodta. ek doosre ka saath dene ka ehsaas, kisi ke sapno mein roz aane ka ehsaas , kisi ki zindagi ko sapno se bhi haseen ker dene ki soch ka naam hai zindagi.
Zindagi us ek se na rukti hai na chalti hai, per jiske liye kabhi tum khud kahin ruk gaye to dosto woh hai zindagi. Apne aane jaane se shayad hi kabhi kisi ko farak pada ho, per jis din yeh jaan jao ki kaun dekhta hai raah tumhari her din subah, us ek nazar per sab nazreen ker dena hi zindagi hai. Aasan hai bahut ki kuch na ker ke, jaise ho waise hi reh ker waise hi chalte firte kaat lo apne din mahine, per fir us zindagi mein aur maut mein kya anter hai. Ek taboot ke ander hai aur doosra bahar. Khud ke liye jeena zindagi ka saaransh hai, per jis din apni zindagi ka woh sabse haseen pal kisi aur ko de do to ho jayega woh her ek pal se alag. ek aisa ehsaas jisse jee ker tum bhi keh sakoge ki haan, zinda bhi hoon aur jee bhi hai meine zindagi.

Jawab ...

aaj unhone jab subah savere yaad kiya , to bhej diya humne ek gulaab unko. Gulaab paa ke phool ki uttejna muskurat mein badalti huwi mere se poochti hai , ki kaise bhej diya aaj ek gulab unko,, jabki saalo se ek patta tak nahi bheja. ek bheeni si muskaam ke saath humne bhi keh diya , ki waise to phoolon ko phool bheje nahi jaate, ki dono mein se kisi bhi jaati huwi muskurat dekh nahi sakte, per aaj man kiya to bhej diya. Jawab sun ke muskurati si bholi boli apne se ki jawab to pasand aaya , aur muskurati si rahi. kya jaanti thi woh pagli ki jawab jab khud jawab maange to kabhi kabhi sawalo ke pass jaana padta hai , waise to mein khud hi talaash leta hoon apni manzil per aaj sawaal se poochne ka man tha , to pooch liya.
jawab her baat ka ussi jawab mein ho , ya sawaal se bhi mil jaaye zaroori nahi. Aksar jawab hota hi nahi, bus ek talaash hai , jiska koi ant nahi. sawaal bhi apni raah se bhatka huwa woh musafir hai jisse her padhav per ek manzil ka ehsaas hota hai , per jaana hoga usse fir nayi bhoj per. jawaab hai nahi kahin kisi ke pass. her cheez shunya per aake smaapt ho jaaye aisa zaroori nahi , humne cheezo ko apne charam per bhi simate huwe dekha hai. ambar jo saalo se jawab dhoodh raha hai dharti se , kya mila kuch usse. ek kshitij per milne ki khwahish uski sadiyo purani , ek dharti ka man jo usse jawab hi nahi deta. surya ke praskash mein sawaal to ker leta hai amber per kya samader mein apni chavvi dekh ker uska man nahi kerta ki choo loon ek baar.
kuch baato ka jawaab nahi hota , kuch baatein hi jawab hoti hai. tum humse na poocho ki kaise hai hum , tumne jo soch liya poochne ke liye to jawab apne aap, aap ke pass aa gaya .

Yaad aayi

kabhi sochta hoon to tu yaad aayi ,
kabhi nahi bhi socha to bhi tu hi yaad aayi, 
yaad mein bhi yaad tu hi aayi,
aur bhoole mein bhi yaad tu aayi.
reh gaya kahin mera ansh kuch,
to usme bhi tu yaad aayi ,
kabi mandir ke  deep mein
to kahin deep ke  ansh  mein yaad aayi,
kahin pankaj ki khusboo fhelati bhavna mein yaad aayi,
kabhi mandir mein kabhi vidhyalaya mein ,
kabhi khud mujhe mein tu yaad aayi.
ab yaad nahi kahin kuch bhi aur mujhe,
per meri her aarti mein tu yaad aayi,
kabhi mere bharat ke kaushal vartmaan mein ,
to kahin om ki sampoornta mein yaad aayi.
kabhi sochta hoon to tu yaad aayi,
aaj dekhta hoon to tu yaad aayi.

Itna bhi nahi hoon

mein itna bhi nahi hoon , ki ho ke bhi na hoon. kuch itna sa khwab hai ki jo bhi woh hi rahun. kahin kabhi kisi mod per kabhi kuch mila ya nahi , kabhi kuch paaya to nahi, fir bhi sab kuch kho doon itna nahi hoon.
Sahensheelta hai bahut mujh mein ki sab himalya ki god se aayi hai, bade toofano ko jhel ke chala jaata hoon , hazaro seene mein daba rakhe hai , kahin se koi bhi chot nahi pag paati mujhe kabhi , na badal paar ker paate hai na kholta jwalamukhi bhed paaya hai , per imaan per uthe ek bhi sawaal ko bardaasht ker loon, itna bhi nahi hoon.
Sabar bahut kiya hai meine is samander ki tarah , shankh, moti deep aansu sab khota hi raha, kabhi leher lag gayi kinare per, kabhi ek kona hi choot gaya , to kahin mere ander se hi koi bahar ki duniya ka ho chala, sabko sab kuch de doon per deke bhi roya nahi , itna nahi hoon mein. 
Sthir hoon dhara ki tarah , kya kuch nahi diya rehne walo ko. kabhi anaaj kabhi khaana kabhi rona to kabhi roti , per ghoom ke jab woh hi seene mein khanjar daal nikaalna chahte hai mere dene se kuch zyada, chup chaap apna sab de doon aur palatke vaar na karun , itna bhi nahi hoon mein.
faila hoon aakash ki tarah , dekhta hoon her us cheez ko jiski apeksha bhi nahi , kahin kabhi koi jeet raha hai manzar bade, to kahin hai haar ki maar , kahin hara ke aagey badh raha hai manush sabko, kahin jalate deep mein unnati hai, per jeet ki khushi mein dost jab doosre ki peet mein daalta hai maut, bina roye khoon ke aasu yeh dekh loon , itna bhi nahi hoon.

Love

Believe , belief , trust , reflections , shadows , mirrors , friends .

Getting out of bed and looking directly in sun, no fear of blindness, no inhibitions of what will follow, no matter what will happen. The sun has been shinning for billions of years, but today neither eyes are going to shut nor sun is going to set. A cloud came in between to break the truce, and the eyes still pierced through the clouds. It was water all around, flooding the memories. The boat sailed  across the ages , from the time when school was a pain, to point when the greatest challenge was how not to make it to school for love of a movie. The friends who came across and took us from that life to the new chapter, as the pages of book turned into paper so green. The boat stuck a tree with the force so immense that the world twisted. Flooded emotions took me places, the green turn red, and things fell out of place. I did not. I looked up and held my eyes to the sun, dared to move it. The sun shone hard, I stared harder. The sweat filled up glasses, but thirst took its turn. I toppled each milestone but the destiny never met. I looked places, met strangers and ignored friends. It was a belief that I will achieve it , the trust of finding it now. Determination can bring down Gods, but mine was missing. The boat sailed across from river to seas to the huge ocean. The waves were big and huge, and no land to be seen. There I saw another, same as me , and then a few more. I extended mine and so did the other. We made a big boat together, and adorn it with love care and happiness. I continued to dare the sun, when a comforting feather touched my shoulder and I melted in it.  The sun was jealous this time, he burnt brighter. I was with my life and he lives in shadow of his past , all alone. I made friends with him since, and we talk each other, I hope he finds one hand as I found mine.

Dahleej

chali hoon laanghne mein ab is maryada ki seema , kahenge kuch log ki galti meri hi hai. kahin kabhi to koi sira na diya usne, ek umar ho chali , ab to haath bada de. kasmein sunne mein to achi lagti hai per ger hoti bhookh shaant unse to shayad ruk bhi jaati. Raaste bhi alag hi nikale , dost bhi nirale. sirf ek doosre ke dil ko chod ker kuch bhi to aur mil na paaya humara. baat sawal ka nahi , jawab ka bhi nahi , baat us jawab ka hai jiska sawal hotho per to aata hai tumhare per kabhi meri kaano tak pahaunch nahi paata. prashan hai bahut tumhari aankho mein , per sahara na de paaye kabhi mujhe apne kandho ka.  jab samaaj mein utha raha tha her koi ungliya. jab thi sab tumhare gharwalo ki barsaatein mere bin chatt ki ghar per, kyun nahi mil paaya tum mein woh tinke bhar ka sahaas ki keh dete apni hi janam dene wali ma se ki hai , hai meri ek dharam patni aur rahega bandhan atoot, ki nahi hai iski umeed ki deewar bin barsaati . kaash de paate tum kuch sahara aur bach jaati dahleej humare ghar ki .

be-noor

chamchamati huwi , jhilmil si , sitaro si is duniya se kahin door milti hai be-jaan se , be-rang se , ghissi huwi si ek fati purani si zindagi.  jo padi huwi hai satrangi chaddar lapete ,Jhaankti huwi us jharokhe se ki kahin mile ek andhkaar ki kiran jissko sahej ke door ho chale woh rang badalti rooho se , jahan shaanti mein mile usse aman. tez aur roz roz badalti zindagi ke noor se pareshaan , chahti hai ki koi usse pehchaane na , ki kahin kisi tarah bach bachate nikal jaaye. Kisi tarah koi to aisa upaye ho ki stabdh ker dene wali roshini se door jaaya jaye ,ki na pehchaane uska naam aur is mashoor si duniya se be-noor hi vida ho jaaye. 

ashaanti

yudh , kohraam ,  shor , shool , sanaata .... kahin se kisi bhi baat ka samajh na aa paana , kyun nahi ki koi maan paata meri kahi , kyun kahin mein is duniya ke gol swabaav ke saath seedha chal nahi paata , kyun aisa lagta hai ki meri manzil alag hai tum se. kyun kaise tum her cheez se adhoori rehti ho, aur mein her adhoori cheez se poora , kyun tumhe chot se dard hota hai aur mere nasoor bhi sookh chuke hai, kyun khalbali mach uth padti hai kabhi is duniya ke riwazo se , kyun pade is shaant se samander mein aa jaati hai lehar vishaal. kyun lagne lagta hai ki roshini se darr nahi per andhera mera hum saya hai, kyun bikhre huwe is jism ke her ek ang se nayi jeevan ki taraf kadam badate huwe is rooh ka lashtar poora safed hai. kyun mere pass do takshak hai aur teer ek bhi nahi , kya karun in do mayano ka jab talwaar ka kuch pata nahi. jaise thaam bhi loon kabhi in haatho mein woh khooni khanjar bhi kya hi bigaad loonga , na mein yodha na hi kalakaar, apne mein sampoorn apne mein khush apni hi hasti mein madmast mujh mein is duniya ke rang ghusne ki koshish ker rahe hai. sambhaal ke rakha hai is ashaant man ko is ashaant duniya mein . darr hai ki kahin is ashaant  satrangi aatma ko is badrangi dunya mein na mil jaaye shaanti ....

Rishtey

Bharosa , dokha , samajh, sahuliyat , majboori , nadaniya , bachpan , dosti , saath , chot , marham , sahyog , safar  ....
Paani ke bulbulo se naazuk rishtey jo milte to humse virasat mein hai per sanjo ke rakhne mein umar guzar jaaye, kahin rishtey marhum ka kaam kerte hai to kahin her dard ka kaaran. kahin koi rishta zindagi bana jaata hai to kahin poori zindagi ki kamayi khatm ker deta hai. Kuch rishtey mar ke bhi saath dete hai kuch marne tak to kahin kuch marwa hi dete hai. Rishtey bure nahi, na hi rishtedaar per fir bhi duniya dosti ko rishtey ke upper rakhti hai. woh hi shaks jo ek acha dost hai woh ache rishtedaar nahi hai, kyunki badh jaati hai zimmedariya rishtedaar ki. Nahi bhi pasand agar koi insaan to bhi rishtedaari ka lihaaz kerke dhona padta hai uska bojha. Kahin ek sapna sakaar kerta huwa rishta to kahin bikhre kaanch per chalne ka naam hai rishtey.
 Jaise hote hai  hawa ke gubbare ,  ek choti si chot aur phoot jaate hai. Jo zindagi ke maidaan mein is foolte rishtey ko sahej nahi sakte , aksar hava mein ker dete hai in rishto ko.Sirf tumhari khud ki baat nahi hai, kyunki saamne bhi ek rishta hai. Janam se bane kuch rishte , kuch khud bana liye. Kisi ko bhai banaya kisi ko bahen to fir kisi ke saath guzaarni hai zindagi. Kahin apne sage nahi ho paate to kahin anjaan bhi sage ho jaate hai. kabhi kisi ki choti si baat us sui ka kaam kerti hai jo bade se bade gubbare ko fod sakti hai to kahin badi badi chot bhi gubbare ko hila nahi paati.

Kahin hai aag ki chingariya , haath jalte bhi hai khelte hai to kabhi maza bhi aata hai. Zindagi ko dilchasp banate huwe bharosemand hai yeh rishtey. Kabhi chalak jaate hai paimaane se to kahin pyaasa chod dete hai. Maksad jeene ka kuch bhi ho rishtey woh kadwi dawa hai jo zindagi mein jeene ka aina dikhate hai. Kabhi kisi safatla per jalta rishtedaar to kabhi tumhe unchayi tak pahauchata ek rishtedaar. Saja ke dekhein agar hum holi ke rang ek thaal mein , to diwali ke pathake to kabhi rang to kabhi aag hai rishta. kabhi jeene ka sahara to sahare per laata jeena ....

article pending completion 

Bandhan

saat phero 4 haatho aur us ek agni ko saakshi maan jo kadam badh chale amavas ki raat mein kabhi to poornima bhi dekhenge. kabhi to us aag ki chingariya mere aanchal ko jalana band karengi , soch tha ki jagmaga jayegi zindagi apni uske ek saath se , socha tha ek aur ek gyarah ho jayenge , kya pata tha ki woh ek bhi kho sa gaya. Socha tha meri rago mein daudega tera khoon,  mera khoon nikaal ke us itcha ko poora to kiya per apne tareeke se. saath jeene ki itcha prabal thi, kab usme se jeena nikal gaya samajh hi na aaya. kamzor to nahi thi mein, per kamzori ki aagosh mein kab aa gayi yeh bhi samajh nahi aaya. jab tar tar ho gayi rooh meri, aur bikhar ke reh gaya wajood mera, jab mein aaine mein khud se nazar na mila saki , to ehsaas huwa kamzori ka. kam nahi thi kisi se per kami kuch to reh gayi. kehte hai ki saare kaale kaam ratri mein hi hote hai , laazmi hai shaadiya bhi ussi prahar mein hoti hai.
mil gayi thi mujhse meri purani ek yaad , satrangi si thi, muskurati si , khilkilati huwi poochi merese , ki kyun kya ho gaya. tum to na badli , to waqt kaise badal gaya. Samjhaya usse ki zaroorat hai , theek ho jayega sab, abhi to shurat hai umar padi hai samjhane ko. yaad mera peecha hi nahi chodi ,boli ki agar zindagi ki hi hai baat to kyun hai naraaz tera saath. kya kami reh gayi thi ya sirf maatr ladki ho jaana hi mera gunah tha. Mera gunah tha bada itna ki chahti thi pehchaan apni, aur uski farmaish ki mita de hasti apni. hasti mitana aasan nahi , koshish ki meine. Koshish mein khatm ker diya ateet, bhula diye dost aur jaane diya apne kaam ko. apang ho ke reh gayi , tukdo ki mohtaaz , khaane ke nahi pyaar ke. Latchaar thi pyar ke liye , per zindagi mein jo chaiye woh milta kahan hai, kisko hai, mili sirf nafrat, gaaliya aur dande. Uth ke ek din socha ki latak jaun pankhe se, fir socha ki agni hi to thi. jab sahej na paayi riste ko to riste ko chada diya pankhe per aur nikal aayi mein aazad usse bahar.

ab emin hawa mein saas leti hoon, meri rooh wapas jud rahi hai , meri zindagi wapas aa rahi hai, dheere dheere mera aks mere mein sama raha hai. aag se ab darr nahi lagta, paani mein doobne ka dar bhi nahi, baarish mein khelti hoon aur khul ke holi khelti hoon. naye rang banati hoon ,nayi aasheyein sajati hoon , mauka lagey to naye dost bhi. ajnabiyo ko muskura ke dekhti hoon, zindagi ko kaise jeete hai seekh rahi hoon. waqt lagega thoda per jeet jaungi. is baar apne liye , bus apne liye .

chehra

muskurata  sharmata chamakte chand ki yaad dilata , raat ki kaali badri sa kaajal , gheenu ke sunhere rang sa chamakta ,uska ruhaani chehra . jitna hi dekhta hoon utna hi sochta hoon ki kuch to kahin to kaise to kuch bhi to kerke us shrishti kerta ne apni khwahish ko anjaam diya us chand ko taraashker.
 shankh jaisi aankhen jo khud ek sur mein apni dastaan bayan ker deti hai , waiz ki sab dastaan wahin ki wahin ruk jaaye , aur jin se bhi nazar mile woh nazarein fir kahin aur na jaaye , insaano mein milne wali pariyo ke nayan ki yeh adbut samaanta hai, inhe sawara nahi gaya, sajaya nahi gaya , kritrim roop se badla nahi gaya, yeh ajooba kayanat ki hi ek dein hai , yeh aankhen tumhari woh suna deti hai hazaro dastaan jo kabhi huwi hi nahi , jo shayad kabhi hongi bhi nahi , jo shayad tumhari matsya numa hontho se kabhi chalki bhi nahi hogi, woh kahani jo na ho ke bhi poori ho jaati , magar us chehre ki chakachaund mein kahin gum ho gayi. tumhare hontho se nikalne wala her ek lafz jo shahed sa meetha hai , her ek boond us shahed ki humne apne se door karti jaati hai, aur kho jaati hai humari hasti us chehre mein kahin. poochne per ki sundarta ka raaz kya hai , jawab aata to hai, per madhosh uski ada mein kabhi kaano tak pahaunch nahi paata. her ek shabd jo chalakta hai un ke muh se, kuch is tarah se rooh se milta hai jaise ek aushadh lagbhag mrit vyakti ko somras pila raha ho, kuch is tarah tera saath hai mere ki meri tar tar si jo roh thi , is prakaar theek hoti ja rahi hai ki jaise usse chikitsa ki kabhi zaroorat hi nahi. tere us chehre ke saath ek umar humne kayanat ke jannat, swarg ya abhor satya se pare le jaati hai , jo us ko dekh ke hum kehte hai ki agar hai kahin roohani shakti , jo ker sakti hai sab sahi , hai woh yahin. dekh zara aye humdum , dekh us pari ke chehre ko meri aankho ke aaine mein ...